夜繽紛山頂露營營區

客人嘅訴求已經收到。喺Matata經過幾日實測後，正式向大家介紹:

山頂夜繽紛營區(暫名)正式上線!
平時夜晚11點靜靜，而家凌晨2點✌🏼
務求做到不論早瞓夜瞓嘅大家都可以玩得盡興。
另設繽紛小山丘俾山下營區營友上嚟盡訴心中情 (酒水自備)。

山頂夜繽紛營區(暫名)守則:
嚴禁吸煙
酗酒傷身 點到即止
自己垃圾自己帶走
自己嘔吐物自己清
切勿酒後駕駛
凌晨2點後音量收細

暢玩同時不忘露營禮儀，祝大家有個健康、安全、無痛嘅晚上。

註: 營地其他區域照舊11點後音量收細。

為你推薦: 瓷上園林